Menu
RSS
ජනපති අතින් ජාතික සම්මානයෙන් පිදුම් ලබති

ජනපති අතින් ජාතික සම්මානයෙන් පිදුම් ලබති

ජාතික සම්මාන ප්‍රදානෝත්සව...

Prev Next

770

ඇසළ පුන් පෝය අදයි

ඇසළ පුන් පෝය අදයි

ඇසළ පුර පසොළොස්වක පොහොය දිනය අදට (16) යෙදී තිබේ. ආගමික සහ ශාසනික සිදුවීම් රැසක් සිදුවූ වැදගත් දිනයක් ලෙස ඇසළ පුන්පොහෝ දිනය හැඳින්විය හැකිය.

සිදුහත් කුමරුන් මවුකුස පිළිසඳගැනීම, සිද්ධාර්ථ කුමරුන් ගිහිගෙය හැරයාම, බුද්ධත්වයෙන් පසු ප්‍රථම ධර්මදේශනය වන දම්සක් පැවතුම් සූත්‍රය දේශනාකිරීම ආදී කරුණු මෙන්ම පස්වග මහණුන්ගේ ධර්මමාර්ගයට එක්වීම තුළ බුද්ධරත්නය, ධම්මරත්නය, සංඝරත්නය යන තෙරුවන් සම්පූර්ණ වූ මාසය ලෙස ඇසළ පුන් පොහොය සුවිශේෂී වැදගත්කමකින් යුක්තය.

තීර්ථක දමනය සඳහා බුදුරජාණන් වහන්සේ යමාමහපෙළහර දැක්වීම, තවුතිසා දෙව්ලොවට වැඩම කොට මාතෘ දිව්‍ය රාජයාට විජම් බණ දේශනාකිරීම, සම්බුද්ධ පරිනිර්වාණයෙන් තෙමසකට පසු රජගහනුවර වේහාර පර්වතයේදී ප්‍රථම ධර්ම සංඝායනාව පැවැත්වීමආදිය සිදුවූයේද ඇසළ පුන් පොහෝ දිනකය.

එමෙන්ම ලක්දිව අරිට්ඨ කුමරු ඇතුළු පස්දෙනා පැවිද්ද සහ උපසම්පදාව ලැබීම, දුටුගැමුණු රජතුමා විසින් රුවන්වැලි මහා සෑයට මුල්ගල් තැබීම,රුවන්වැලි මහා සෑයේ ධාතු නිධන් කිරීම, කිත්සිරිමෙවන් රජ දවස දන්ත කුමරු සහ හේමමාලා කුමරිය බුදුන් වහන්සේගේ දන්ත ධාතූන් වහන්සේ ලක්දිවට වැඩම කරවීම සහ ලක්දිව ඇසළ මහා පෙරහර ආරම්භ වීම ආදියද සිදුවූයේ අද වැනි පොහෝ දිනකය.

(Lanka Leads)

back to top