Logo
Print this page

ඕස්ට්‍රේලියාවට පැමිණෙන නීතිවිරෝධී සංක්‍රමණිකයින් රඳවා ගන්නවා : මහ කොමසාරිස් කියයි

ඕස්ට්‍රේලියාවට පැමිණෙන නීතිවිරෝධී සංක්‍රමණිකයින් රඳවා ගන්නවා : මහ කොමසාරිස් කියයි

ශ්‍රී ලංකාවේ ඕස්ට්‍රේලියානු මහ කොමසාරිස් ඩේවිඩ් හොලි මහතා සහ උතුරු පළාත් ආණ්ඩුකාර ආචාර්ය සුරේන් රාඝවන් මහතා අතර හමුවක් පසුගිය 16 වෙනිදා සවස ආණ්ඩුකාරවරයාගේ නිල නිවසේදී සිදුව තිබෙනවා.

මෙම හමුවේදී උතුරු පළාතේ වර්තමාන තත්ත්වය සහ ඕස්ට්‍රේලියානු රජය විසින් සිදු කරනු ලබන සංවර්ධන ව්‍යාපෘති පිළිබඳව විස්තරාත්මකව සාකච්ඡා කර ඇති අතර උතුරු පළාතේ ජල ගැටලුව විසඳීම සඳහා වඩමරාච්චි ජල සම්පාදන යෝජනා ක්‍රමය සහ වඩමරාච්චි ක්ෂේත්‍ර ව්‍යාපෘතිය සම්බන්ධයෙන් ද සාකච්ඡා කළ බවයි උතුරු පළාත් ආණ්ඩුකාර කාර්යාලය සඳහන් කරන්නේ.

ශ්‍රී ලාංකික සරණාගතයින් ඕස්ට්‍රේලියාවට ඇතුළුවීමට නීතිවිරෝධී ලෙස උත්සාහ කිරීම පිළිබඳව අදහස් දක්වමින් මහ කොමසාරිස්වරයා කියා සිටියේ නීතිවිරෝධී සංක්‍රමණිකයින් රඳවා තබා ගැනීම සඳහා ඕස්ට්‍රේලියානු රජය දැඩි පියවර ගනිමින් සිටින බවයි.

ඕස්ට්‍රේලියානු රජයේ මහ කොමසාරිස් කාර්යාලය හරහා උතුරු පළාතේ සංචාරක කර්මාන්තයේ දියුණුවට සහාය වීමට තමන් සූදානම් බවත්, පුහුණුව ඇතුළු සංචාරක කටයුතු ප්‍රවර්ධනය කිරීමේ ව්‍යාපෘති දැනටමත් ආරම්භ කරමින් සිටින බවත් ඕස්ට්‍රේලියානු තානාපතිවරයා එහිදී ප්‍රකාශ කර තිබෙනවා.

(Neth)

Latest from Dhanushika Niroshani

Design © External links are provided for reference purposes. Srilankanewslive.com is not responsible for the content of external Internet sites. All rights reserved.