Logo
Print this page

රයිනෝ අං වෙන්දේසියක්

රයිනෝ අං වෙන්දේසියක්

රයිනෝ අං අන්තර්ජාලය ඔස්සේ වෙන්දේසියේ විකිණීමක්  දකුණු අප්‍රිකාවේ දී  ආරම්භ වෙයි.  පරිසරවාදීන් 'රයිනෝ අං'වෙන්දේසියට විරෝධය පළ කරනු ලැබ ඇතත් සංවිධායකයෝ එම විරෝධයත් නොතකා හරිමින් ඔවුන්ගේ වැඩ පිළිවෙල පෙරට ගෙන යමින් සිටිති. 

මෙවැනි වෙන්දේසි නිසා 'රයිනෝ' දඩයක්කාරයන් ඔවුන්ගේ ජාවාරම සඳහා තවත් දිරි ගැන්වීමක් ලබනු ඇතැයි පරිසරවාදීහු පෙන්වා දෙති. රයිනෝ අං කිලෝවකින් ඩොලර් දශ ලක්ෂ ගණනක් උපයා ගත හැකි බවත් ප්‍රකාශ වෙයි. දකුණු අප්‍රිකාවේ දී රයිනෝ අං මිලට ගත හැකි නමුත් ඒවා වෙළෙඳාම සම්බන්ධයෙන් ජාත්‍යන්තර තහනමක් බල පැවැත්වෙන හෙයින් රටින් පිට ගෙනයාම නීතියට පටහැණි ක්‍රියාවකි. දකුණු අප්‍රිකාවේ රයිනෝ අං අන්තර්ජාල වෙන්දේසිය සංවිධානය කරනු ලබන්නේ ජෝන් හ්යුම් (John Hume) විසිනි . ඔහුගේ සත්ව ගොවිපොළෙහි රයිනෝ ජීවීන් 1500ක් පමණ සිටින බවත් වාර්තා වෙයි. "බටහිර මිනිස්සුන්ගේ ප්‍රශ්නය එහෙම පිටින්ම වැරදියි. රයිනෝ ජීවීන් මරා දැමීම දාස් ගාණකින් වැඩි වුනේ අපි සැපයුම නතර කළ නිසා. 2009 පෙබරවාරි වෙන තෙක් රයිනෝ අං විකිණීම දකුණු අප්‍රිකාවේ නීත්‍යානුකූලව තිබුණු බව අමතක කරන්න එපා. ඊට පස්සේ ඉල්ලුමක් තිබුණත් 'අපි ආයෙත් රයිනෝ අං විකුනන්නේ නෑ' කියල අපි සැපයුම නතර කළා. මොකද වුණේ? අවශ්‍ය මිනිස්සු මොසැම්බික් වලට ගිහින් දහස් ගණනින් රයිනෝ ජීවීන් මරා දැම්මා" ජෝන් හ්යුම් පවසා තිබේ. 

Design © External links are provided for reference purposes. Srilankanewslive.com is not responsible for the content of external Internet sites. All rights reserved.